തൃശൂർ: മലദ്വാരത്തിൽ ഒളിപ്പിച്ച് എംഡിഎംഎ കടത്താൻ ശ്രമിച്ചയാൾ പിടിയിൽ. എറണാകുളം സ്വദേശി വിനു ആൻറണിയാണ് പൊലീസിൻറെയും ലഹരി വിരുദ്ധ സ്ക്വാഡിൻറെയും പിടിയിലായത്. വാഹനപരിശോധനയ്ക്കിടെയാണ് പ്രതി പിടിയിലായത്. 38.5 ഗ്രാം എംഡിഎംഎ പ്രതിയിൽ നിന്നും കണ്ടെടുത്തു. ബാംഗ്ലൂരിൽ നിന്നും കെഎസ്ആർടിസി ബസിൽ വരുകയായിരുന്ന പ്രതി പൊലീസിനെ കണ്ടതിനെ തുടർന്ന് ശാരീരികാസ്വസ്ഥത പ്രകടിപ്പിക്കുകയും തുടർന്ന് പൊലീസ് വിനുവിനെ തൃശൂർ ജില്ലാ ആശുപത്രിയിൽ പ്രവേശിപ്പിക്കുകയായിരുന്നു. എക്സ് – റേ പരിശോധനയിലാണ് മലദ്വാരത്തിൽ പ്ലാസ്റ്റിക്ക് സാന്നിധ‍്യമുള്ള കാര‍്യം കണ്ടെത്തിയത്.
തുടർന്ന് പ്രതിയെ മെഡിക്കൽ കോളെജ് ആശുപത്രിയിലേക്ക് മാറ്റുകയും മലദ്വാരത്തിൽ നിന്നും എംഡിഎംഎ പാക്കറ്റ് കണ്ടെടുക്കുകയും ചെയ്തു. നിരവധി ലഹരികേസുകളിൽ പ്രതിയായ വിനുവിനെ പൊലീസും ഡാൻസാഫ് അംഗങ്ങളും ചേർന്നാണ് പിടികൂടിയത്.
