മലപ്പുറം കോട്ടക്കലിൽ തലയിലേക്ക് ചക്ക വീണ് ഒമ്പത് വയസ്സുള്ള പെൺകുട്ടി മരിച്ചു

മലപ്പുറം: കോട്ടക്കലിൽ ചക്ക തലയിൽ വീണ് ഒമ്പത് വയസ്സുള്ള പെൺകുട്ടി മരിച്ചു. ചങ്കുവെട്ടി സ്വദേശി കുഞ്ഞലവിയുടെ മകൾ ആയിശ തസ്നിയാണ് മരിച്ചത്. ശനിയാഴ്ച രാവിലെ 9.30 ഓടെയായിരുന്നു അപകടം. വീട്ടുമുറ്റത്ത് കളിച്ചുകൊണ്ടിരിക്കെ കുട്ടിയുടെ തലയിലേക്ക് ചക്ക വീഴുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.