തിരുവനന്തപുരം: തനിക്കെതിരെ വൈദേകം റിസോര്‍ട്ട് വിവാദത്തില്‍ ഗൂഢാലോചന നടത്തുന്നത് ആരെന്ന് അറിയാമെന്നും സമയമാകുമ്പോള്‍ വെളിപ്പെടുത്തുമെന്നും എൽ.ഡി.എഫ് കണ്‍വീനര്‍ ഇ.പി ജയരാജന്‍. ഗൂഢാലോചന പാര്‍ട്ടിക്കുള്ളിൽ നിന്നെന്ന് പറഞ്ഞിട്ടില്ലെന്നും വൈദേകം റിസോര്‍ട്ടുമായി തനിക്ക് ബന്ധമില്ലെന്നും അദ്ദേഹം വ്യക്തമാക്കി. പരിശോധന നടത്തിയത് ആദായനികുതി വകുപ്പ് ടി.ഡി.എസ് വിഭാഗമാണ്. സിപിഎമ്മിന്‍റെ പ്രതിരോധ ജാഥയിൽ പങ്കെടുക്കില്ലെന്ന് പറഞ്ഞിട്ടില്ല. കേരളം മുഴുവൻ ഒരു പോലെയാണ്. ഏത് ജില്ലയിലും പങ്കെടുക്കാമെന്നും തിരുവനന്തപുരത്ത് മാധ്യമപ്രവര്‍ത്തകരോട് സംസാരിക്കവെ ഇ.പി ജയരാജന്‍ അറിയിച്ചു.
വൈദേകം റിസോര്‍ട്ട് വിവാദം; തനിക്കെതിരെ ഗൂഢാലോചന നടത്തുന്നത് ആരെന്ന് അറിയാമെന്ന് ഇ.പി ജയരാജൻ
