തൊടുപുഴ: കുടിവെള്ളം മുടങ്ങിയിട്ട് എട്ട് ദിവസം…. എന്ന് പ്രശ്നം പരിഹരിക്കുമെന്ന് ചോദിക്കുമ്പോൾ മുഖ്യമന്ത്രിയെ കണ്ടെത്തിയിട്ട് പരിഹരിക്കാമെന്ന് വാട്ടർ അതോറിറ്റി ഉദ്യോഗസ്ഥരുടെ പരിഹാസം. വെങ്ങല്ലൂർ പ്ലാവിൻചുവട് റോഡിലും ടാഗോർ റോഡിലുമുള്ള വീട്ടുകാരാണ് വെള്ളമില്ലാതെ വിഷമിക്കുന്നത്. കിണറുകളിലും വെള്ളം ഇല്ലാത്ത സാഹചര്യമാണ്. മുന്നറിയിപ്പ് നൽകാതെ പൈപ്പ് സ്ഥാപിക്കുന്ന പ്രവർത്തനം നടക്കുന്നതായും പറയപ്പെടുന്നു. ഇനിയും രണ്ട് ആഴ്ച്ച കൂടി വേണ്ടി വരും അറ്റകുറ്റ പണികൾ പൂർത്തിയാകാൻ എന്നാണ് പറയപ്പെടുന്നത്. വെള്ളം നൽകുന്നുമില്ല. ഉദ്യോഗസ്ഥർ പരിഹാസ മറുപടി നൽകുന്നതും വ്യാപക പ്രതിഷേധത്തിന് കാരണമായിട്ടുണ്ട്.
കുടിവെള്ളം മുടങ്ങിയിട്ട് എട്ട് ദിവസം; അധികൃതരുടെ അനാസ്ഥയെന്ന് പ്രദേശവാസികൾ
