തൊടുപുഴ വണ്ണപ്പുറത്ത് ഉപേക്ഷിച്ച നിലയിൽ കണ്ടെത്തിയ ബൈക്കിന്റെ ഉടമയെ തിരിച്ചറിഞ്ഞു

തൊടുപുഴ: വണ്ണപ്പുറത്ത് ഉപേക്ഷിച്ച നിലയിൽ കണ്ടെത്തിയ ബൈക്കിന്റെ ഉടമയെ തിരിച്ചറിഞ്ഞു. വണ്ണപ്പുറം അമ്പലപ്പടി ബൈപ്പാസ് റോഡിൽ ഒറക്കണ്ണി ജംഗ്ഷനിൽ രണ്ട് ആഴ്ച്ചയായി ഉപേക്ഷിച്ച നിലയിൽ കണ്ടെത്തിയ ബൈക്ക് ഉടമയെയാണ് തിരിച്ചറിഞ്ഞത്. തൊടുപുഴ കുമ്പംകല്ല് സ്വദേശിയുടെ രജിസ്ട്രേഡ് ഓണർഷിപ്പിലുള്ള ബൈക്ക് ഏതാനും വർഷം മുൻപ് ഷോറൂമിൽ വിറ്റതായി ഉടമ അറിയിച്ചു. സംഭവത്തിൽ ഷോറൂം ജീവനക്കാരുടെ സ്ഥിരികരണം വന്ന ശേഷം കൂടുതൽ അന്വേഷണം നടത്തുമെന്ന് കാളിയർ പോലീസ് അറിയിച്ചു.