വയോജനങ്ങൾക്ക് കട്ടിൽ വിതരണം ചെയ്ത് തൊടുപുഴ നഗരസഭ

തൊടുപുഴ: നഗരസഭ 2022-23 ജനകീയാസൂത്രണ പദ്ധതി പ്രകാരം പട്ടികജാതി വിഭാഗത്തിൽപ്പെട്ട വയോജനങ്ങൾക്കുള്ള കട്ടിൽ വിതരണം ചെയ്തു. നഗരസഭാ ചെയർമാൻ സനീഷ് ജോർജ്ജ് ഉദ്ഘാടനം നടത്തി. മുനിസിപ്പൽ മൈതാനത്ത് വച്ച് നടന്ന ചടങ്ങിൽ ക്ഷേമ കാര്യ സ്റ്റാൻ്റിംഗ് കമ്മറ്റി ചെയർപേഴ്സൺ ഷീജ ഷാഹുൽ ഹമീദ് അദ്ധ്യക്ഷത വഹിച്ചു. യോഗത്തിൽ വൈസ് ചെയർപേഴ്സൺ, സ്റ്റാൻ്റിങ്ങ് കമ്മറ്റി ചെയർമാൻമാർ, കൗൺസിലേഴ്സ് തുടങ്ങിയവർ പങ്കെടുത്തു.