ഹവാന: ക്യൂബയിലെ ഹവാനയിൽ ജോസ് മാർട്ടി അന്താരാഷ്ട്ര വിമാനത്താവളത്തിൽ എത്തിയ മുഖ്യമന്ത്രി പിണറായി വിജയനും സംഘത്തിനും ഹവാന ഡെപ്യൂട്ടി ഗവർണർ, ക്യൂബയിലെ ഇന്ത്യൻ അംബാസിഡർ തുടങ്ങിയവർ ചേർന്ന് സ്വീകരണം നൽകി. ഹവാനയിലെ വിവിധ പരിപാടികളിൽ മുഖ്യമന്ത്രി ഇന്നും നാളെയുമായി പങ്കെടുക്കും.
മുഖ്യമന്ത്രി വിവിധ പ്രമുഖരുമായും കൂടിക്കാഴ്ച നടത്തും. കൂടാതെ ജോസ് മാർട്ടി ദേശീയ സ്മാരകമുൾപ്പെടെയുള്ള ചരിത്ര പ്രാധാന്യമുള്ള സ്ഥലങ്ങളിൽ സന്ദർശനവും നടത്തും.
മുഖ്യമന്ത്രിയെ മന്ത്രിമാരായ കെ എൻ ബാലഗോപാൽ, വീണാ ജോർജ്, ആസൂത്രണ ബോർഡ് വൈസ് ചെയർമാൻ വി കെ രാമചന്ദ്രൻ, ജോൺ ബ്രിട്ടാസ് എംപി, ചീഫ് സെക്രട്ടറി വി പി ജോയ്, സംസ്ഥാന സർക്കാരിന്റെ ന്യൂഡൽഹിയിലെ ഓഫീസർ ഓൺ സ്പെഷ്യൽ ഡ്യൂട്ടി വേണു രാജാമണി, ആരോഗ്യവകുപ്പ് പ്രിൻസിപ്പൽ സെക്രട്ടറി എ പി എം മുഹമ്മദ് ഹനീഷ്, ക്യൂബയിലെ ഇന്ത്യൻ അംബാസിഡർ എസ് ജാനകി രാമൻ തുടങ്ങിയവർ അനുഗമിക്കും.
