ന്യൂഡല്‍ഹി: പള്ളി നിറഞ്ഞുകവിഞ്ഞതിനെത്തുടര്‍ന്ന് റോഡില്‍ നിസ്കരിച്ചവരെ ചവിട്ടിയ പൊലീസുകാരനെ സസ്-പെന്‍ഡ് ചെയ്തു. നോര്‍ത്ത് ഡല്‍ഹിയിലെ ഇന്ദ്രലോക്‌ മേഖലയില്‍ വെള്ളി പകൽ രണ്ടിനായിരുന്നു സംഭവം. ജുമ നമസ്കാരം നടത്തുന്നവരെ എസ്ഐ ബൂട്ടിട്ട് ചവിട്ടുന്ന ദൃശ്യങ്ങള്‍ സമൂഹമാധ്യമത്തില്‍ പ്രചരിച്ചു. ഉദ്യോഗസ്ഥനെതിരെ നടപടിയെടുക്കണമെന്നാവശ്യപ്പെട്ട് പ്രദേശവാസികള്‍ റോഡ് ഉപരോധിച്ചു. സംഭവത്തില്‍ കൂടുതല്‍ അന്വേഷണം നടക്കുകയാണെന്ന് പൊലീസ് അറിയിച്ചു.
റോഡില്‍ നിസ്കരിച്ചവരെ ചവിട്ടി; ഡൽഹിയിൽ പൊലീസുകാരനെ സസ്പെന്‍ഡ് ചെയ്തു
