ചെന്നൈ: പൗരത്വ ഭേദഗതി നിയമം തമിഴ്നാട്ടിൽ നടപ്പാക്കില്ലെന്ന് മുഖ്യമന്ത്രി എം.കെ സ്റ്റാലിൻ. ഭരണഘടനാ തത്വങ്ങൾക്ക് എതിരായ സി.എ.എ ഇന്ത്യൻ ജനതയ്ക്കിടയിൽ ഭിന്നിപ്പുണ്ടാക്കാൻ മാത്രമേ ഉപകരിക്കൂ. ഈ നിയമം തികച്ചും അനാവശ്യമാണ്. സി.എ.എ റദ്ദാക്കണമെന്നാണ് തമിഴ്നാട് സർക്കാരിന്റെ നിലപാടെന്നും അദ്ദേഹം ഔദ്യോഗിക പ്രസ്താവനയിൽ അറിയിച്ചു. സി.എ.എ നടപ്പാക്കില്ലെന്ന് നേരത്തെ കേരള സർക്കാര് പ്രഖ്യാപിച്ചിരുന്നു.