ഇടുക്കി: പ്രശസ്ത കവയിത്രി സുഗതകുമാരിയുടെ നവതി ആഘോഷ പരിപാടികളുടെ ഭാഗമായി പെരുമ്പാവൂർ പ്രഗതി വിദ്യാലയത്തിൽ തുടക്കം കുറിച്ച ഒരു തൈ നടാം പദ്ധതി മുരിക്കുംവയൽ ഗവ: വൊക്കേഷണൽ ഹയർ സെക്കൻ്ററി സ്കൂളിൽ നടത്തി. പി.റ്റി.എ വൈസ് പ്രസിഡൻ്റ് പി.ബി രാധാകൃഷ്ണൻ അദ്ധ്യക്ഷതയിൽ പി.റ്റി.എ പ്രസിഡൻ്റ് കെ.റ്റി സനിൽ ഉദ്ഘാടനം ചെയ്തു.
നവതി ആഘോഷസമതി സെക്രട്ടറി സുനിൽ സുരേന്ദ്രൻ മുഖ്യപ്രഭാഷണം നടത്തി. പ്രിൻസിപ്പാൾ ഡോ. ഡി.ജെ സതീഷ് പ്രഥമ അധ്യാപകൻ എം.പി രാജേഷ് എന്നിവർ ചേർന്ന് വൃക്ഷ തൈകൾ ഏറ്റുവാങ്ങി.
രാജേഷ് മലയിൽ, അധ്യാപകരായ കെ.എസ് സുനിൽ, ആൻ്റണി ജോസഫ്, ഡോ. അനഘ എം.ജി, കായിക താരം ജ്യോതിഷ് കുമാർ, സുഷിത പൂമര തണൽ എന്നിവർ സംസാരിച്ചു. അശോകം, ആര്യവേപ്പ്, സീതപ്പഴം തുടങ്ങിയ വൃക്ഷ തൈകൾ അധ്യാപകരും വിദ്യാർത്ഥികളും ചേർന്ന് നട്ടു. തുടർന്ന് സുഗതകുമാരിയുടെ ഒരു തൈനടാമെന്ന കവിത കുട്ടികൾ ചേർന്ന് പാടി.
