സ്ത്രീകൾക്ക് പ്രാധാന്യം കൊടുക്കാതിരുന്ന സൗദി അറേബ്യ മാറ്റങ്ങളെ ഉൾക്കൊണ്ട് യാത്ര തുടരുമ്പോൾ ചരിത്രം തിരുത്തി കുറിക്കാനൊരുങ്ങി റയാന ബർണവി. രാജ്യത്തു നിന്നും ബഹിരാകാശ യാത്രയ്ക്കൊരുങ്ങുന്ന ആദ്യ വനിത… സൗദിയുടെ തന്നെ യാത്രികൻ അലി അൽ ഖർണിക്കൊപ്പം യു.എസിൽ നിന്നാകും യാത്ര തിരിക്കുന്നത്. എ.എക്‌സ്-2 ബഹിരാകാശ ദൗത്യത്തിനൊപ്പം ചേരുന്ന ഇവർ അന്താരാഷ്‌ട്ര ബഹിരാകാശ നിലയത്തിലേക്കാകും യാത്ര….. യു.എ.ഇ 2019ൽ സ്വന്തം പൗരനെ ബഹിരാകാശത്തേക്ക് അയയ്ക്കുന്ന ആദ്യ അറബ് രാജ്യമായി മാറിയിരുന്നു. ഹസ്ന അൽ മൻസൂരിയായിരുന്നു അന്ന് യാത്ര നടത്തിയത്.
യു.എ.ഇയുടെ സുൽത്താൻ അൽ നെയഡിയും ഈ മാസം അവസാനം ബഹിരാകാശത്തേക്ക് യാത്ര തിരിക്കും. അന്താരാഷ്‌ട്ര ബഹിരാകാശ നിലയത്തിൽ ആറു മാസം കഴിയുന്ന ആദ്യ അറബ് യാത്രികനെന്ന ബഹുമതി സ്വന്തമാക്കിയാകും നെയഡി മടങ്ങുക.
