ഇടുക്കി: പുളിയന്മല ക്രൈസ്റ്റ് കോളേജില്‍ നെടുങ്കണ്ടം ഉപ വിദ്യാഭ്യാസ ജില്ലാ ബോക്‌സിങ്ങ് ചാമ്പ്യന്‍ഷിപ്പ് നടത്തി. കോളേജ് പ്രിന്‍സിപ്പല്‍, ഡോ. എം.വി ജോര്‍ജ്കുട്ടി ഉദ്ഘാടനം നിർവ്വഹിച്ചു. കോളേജ് ഡയറക്ടര്‍ റവ. ഫാ. അനൂപ് തുരുത്തിമറ്റം സി.എം.ഐ അധ്യക്ഷത വഹിച്ചു.
ഉപജില്ലയിലെ വിവിധ സ്‌കൂളുകളില്‍ നിന്നായി 23 കുട്ടികള്‍ പങ്കെടുത്ത മത്സരത്തില്‍ കുഴിത്തൊളു ദീപാ ഹൈസ്‌കൂള്‍ ചാമ്പ്യന്മാരും വണ്ടന്മേട് എം.ഇ.എസ് ഹയര്‍ സെക്കന്ററി സ്‌കൂള്‍ റണ്ണേഴ്‌സപ്പായി. നെടുങ്കണ്ടം ഉപജില്ലാ സ്‌പോര്‍ട്‌സ് കോര്‍ഡിനേറ്റര്‍ കിഷോര്‍ പി ഗോപിനാഥ്, കോച്ചും റഫറിയുമായ ജൂബിന്‍ ജോസഫ്, കോളേജ് സ്‌പോര്‍ട്‌സ് കോര്‍ഡിനേറ്റര്‍ പി.വി ദേവസ്യ, മിലന്‍ കെ ജോയി, വിവിധ സ്‌കൂളുകളിലെ കായിക അധ്യാപകര്‍ എന്നിവര്‍ നേതൃത്വം നല്‍കി.
