കൊച്ചി: നേര്യമംഗലം മണിയാമ്പാറയിൽ കെഎസ്ആർടിസി ബസ് താഴ്ചയിലേക്ക് മറിഞ്ഞ് അപകടം. ബസിനടിയിൽ ആളുകൾ ഇപ്പോഴും കുടുങ്ങിക്കിടക്കുന്നുണ്ടെന്നാണ് വിവരം. സ്ഥലത്ത് നാട്ടുകാരും ഫയർഫോഴ്‌സും എത്തി രക്ഷാപ്രവർത്തവനം പുരോഗമിക്കുകയാണ്. ചൊവ്വാഴ്ച ഉച്ചയോടെയാണ് അപകടമുണ്ടാവുന്നത്. കട്ടപ്പനയിൽ നിന്ന് എറണാകുളത്തേക്ക് വരികയായിരുന്ന ബസ് ഡിവൈഡറിൽ ഇടിച്ച ശേഷം താഴ്ചയിലേക്ക് മറിയുകയായിരുന്നു. അപകടസമയത്ത് ബസിൽ നിറയെ യാത്രക്കാരുണ്ടായിരുന്നു. നിരവധി പേർക്ക് പരുക്കേറ്റിട്ടുണ്ടെന്നാണ് വിവരം. ബസിനടിയിൽ കുടുങ്ങിയ വിദ്യാർഥിയുടെ പരുക്ക് ഗുരുതരമാണ്. കുട്ടിയെ കോതമംഗലം ആശുപത്രിയിലേക്ക് കൊണ്ടുപോയി. പരുക്കേറ്റ മറ്റു പത്തോളം പേരെ കോതമംഗലം ആശുപത്രിയിലും പ്രവേശിപ്പിച്ചു. ഇവരുടെ പരുക്ക് ഗുരുതരമല്ലെന്നാണ് റിപ്പോർട്ട്.
ഇടുക്കിയിൽ കെ.എസ്.ആർ.ടി.സി ബസ് താഴ്ചയിലേക്ക് മറിഞ്ഞ് അപകടം: ആളുകൾ കുടുങ്ങിക്കിടക്കുന്നു
