കൊച്ചി: സംസ്ഥാനത്ത് സ്വർണവില വർധന തുടരുന്നു. ബുധനാഴ്ച (12/03/2025) പവന് ഒറ്റയടിക്ക് 360 രൂപയാണ് കൂടിയത്. ഇതോടെ ഒരു പവൻ സ്വർണത്തിൻറെ വില 64,520 രൂപയായി. ഗ്രാമിന് 45 രൂപയാണ് കൂടിയത്. 8,020 രൂപയാണ് ഒരു ഗ്രാം സ്വർണത്തിൻറെ വില. മാർച്ച് 5നാണ് സ്വർണം റെക്കോർഡ് വിലയായ 64,520 രൂപയിലെത്തുന്നത്.
പിന്നീട് ഏഴിന് സ്വർണവില ഇടവേളകൾക്കു ശേഷം കുറഞ്ഞുവെങ്കിലും തൊട്ടടുത്ത ദിവസം മുതൽ വീണ്ടും വില ഉയരുകയായിരുന്നു. ഇതിനു തൊട്ടുമുൻപ് ജനുവരി 22നാണ് പവൻ വില ചരിത്രത്തിൽ ആദ്യമായി 60,000 വും കടക്കുന്നത്. സ്വർണവില ഉടൻ 65,000 തൊടുമോ എന്ന ആശങ്കയിലാണ് ഉപഭോക്താക്കൾ. അതേസമയം, വെള്ളിയുടെ വിലയിൽ മാറ്റില്ല. ഒരു ഗ്രാം സാധാരണ വെള്ളിയുടെ വില 106 രൂപയാണ്.
