കോഴിക്കോട്: വടകര ഏറാമല പഞ്ചായത്തിൽ ഭരണസമിതി അറിയാതെ സെക്രട്ടറി നവകേരള സദസിന് പണം അനുവദിച്ചതായി ആരോപണം. സെക്രട്ടറിക്കെതിരേ നിയമനടപടിയിലേക്ക് കടക്കാനാണ് ഭരണസമിതിയുടെ തീരുമാനം. ആർഎംപി- യുഡിഎഫ് സഖ്യമാണ് ഏറാമല പഞ്ചായത്ത് ഭരിക്കുന്നത്. നവകേരള സദസിന് പണം നൽകേണ്ടെന്ന ഭരണ സമിതി തീരുമാനത്തെ മറികടന്നാണ് സെക്രട്ടറി പണമനുവദിച്ചതെന്നാണ് ആക്ഷേപം ഉയർന്നിരിക്കുന്നത്.