കൊച്ചി: കൊച്ചിയില് സര്ക്കാര് ബോട്ടില് യുവതിക്കു നേരെ ലൈഗികാതിക്രമം. മഞ്ചേരിൽ നിന്നും എറണാകുളത്തേക്കുള്ള യാത്രക്കിടെയാണ് ജീവനക്കാരൻ മോശമായി പെരുമാറിയതായാണ് പരാതി.
എറണാകുളം സ്റ്റേഷന് മാസ്റ്ററോട് പരാതി പറഞ്ഞെങ്കിലും ഫലമുണ്ടായില്ലെന്നും ബോട്ടിലുണ്ടായിരുന്ന ജീവനക്കാര് കൂട്ടംചേര്ന്ന് പരിഹസിച്ചെന്നും യുവതി ഫോര്ട്ട്കൊച്ചി പൊലീസിന് നൽകിയ പരാതിയിൽ വ്യക്തമാക്കുന്നു.
വ്യാഴാഴ്ചയാണ് കേസിനാസ്പദമായ സംഭവം. യുവതിയും സുഹൃത്തിന്റെ സഹോദരിയുമാണ് മട്ടാഞ്ചേരിയില് നിന്ന് എറണാകുളത്തേക്കുള്ള സര്ക്കാര് സര്വീസ് ബോട്ടില് കയറിയത്. ഈ സമയം ബോട്ടില് വച്ച് സെക്യൂരിറ്റി ജീവനക്കാരന് യുവതിയുടെ സ്വകാര്യ ഭാഗങ്ങളില് സ്പര്ശിച്ചെന്നാണ് പരാതി.
അതേസമയം പൊലീസിന് പരാതി നല്കിയപ്പോള് ജാമ്യം ലഭിക്കാവുന്ന വകുപ്പ് മാത്രമാണ് ചുമത്തിയിരിക്കുന്നതെന്നും പ്രതിയെ രക്ഷിക്കാന് ശ്രമം നടക്കുന്നുണ്ടെന്നും യുവതി ആരോപിക്കുന്നു.