വഴിത്തല: ശാന്തിഗിരി കോളേജിൽ ലോക ഭിന്നശേഷി ദിനാചരണത്തിന്റെ ഭാഗമായി വീൽ ചെയർ പാർക്ക് സ്ഥാപിച്ചു. പുറപ്പുഴ ദ്രാമപഞ്ചായത്ത് പ്രസിഡന്റ് എ.കെ ഭാസ്കരൻ ഉദ്ഘാടനം നിർവ്വഹിച്ചു. ശാന്തിഗിരി കോളേജിന്റെ തനിമയാണ് ഭിന്നശേഷി പുനരധിവാസമെന്ന് അദ്ദേഹം പറഞ്ഞു. ഈ നൂതന സംരംഭം കേരളത്തിൽ ആദ്യമാണ്. ശാന്തിഗിരിയിലെ കുട്ടികൾക്ക് ഈ പാർക്ക് വലിയ ഉല്ലാസവും ആനന്ദവും നൽകുമെന്നും ഭാസ്കരൻ വ്യക്തമാക്കി.
വീൽചെയറിൽ സഞ്ചരിക്കുന്നവർക്ക് ഉപകാരപ്രദമായ രീതിയിലാണ് പാർക്കും ഉപകരണങ്ങളും നിർമ്മിച്ചിരിക്കുന്നത്. ചടങ്ങിൽ കോളേജ് മാനേജർ പോൾ പാറക്കാട്ടേൽ സി.ഐ.ഐ സ്വാഗതവും പഞ്ചായത്ത് വൈസ് പ്രസിഡന്റ് തോമസ് പയറ്റനാൽ, പ്രോജക്ട് ഓഫീസർ മാത്യു എന്നിവർ ആശംസകൾ നേർന്നു.