കോഴിക്കോട്: ആംബുലന്സും ട്രാവലറും കൂട്ടിയിടിച്ചുണ്ടായ അപകടത്തില് എട്ട് പേര്ക്ക് പരിക്ക്. കോഴിക്കോട് – വയനാട് പാതയില് പുതുപ്പാടിയില് ശനിയാഴ്ച രാവിലെയാണ് അപകടമുണ്ടായത്.
ട്രാവലറിലും ആംബുലന്സിലും ഉണ്ടായിരുന്നവര്ക്ക് പരിക്കേറ്റു. പരിക്കേറ്റവരെ ആശുപത്രിയിലേക്ക് മാറ്റി. സുല്ത്താന് ബത്തേരിയില് നിന്നും കോഴിക്കോടേക്ക് വരുകയായിരുന്ന ആംബുലന്സും എതിരെ വരുകയായിരുന്ന ട്രാവലറുമാണ് കൂട്ടിയിടിച്ചത്.
ആംബുലന്സുമായി ഇടിച്ച ട്രാവലര് നിയന്ത്രണം വിട്ട് സമീപത്തെ വൈദ്യുതി പോസ്റ്റിലും ഇടിച്ചു. ഇടിയുടെ ആഘാതത്തില് ആംബുലന്സിന്റെ മുന്ഭാഗം പൂര്ണമായും തകര്ന്നു. ട്രാവലറിന്റെ മുന്ഭാഗവും തകര്ന്നിട്ടുണ്ട്.