വാഷിങ്ങ്‌ടൺ: സൂര്യനെ പൂർണമായി ചന്ദ്രൻ മറയ്‌ക്കുന്ന അപൂർവ സൂര്യഗ്രഹണ കാഴ്‌ചയ്‌ക്ക്‌ സാക്ഷ്യംവഹിച്ച്‌ വടക്കേ അമേരിക്ക. അമേരിക്ക, മെക്‌സിക്കോ, ക്യാനഡ തുടങ്ങിയ രാജ്യങ്ങളിലാണ്‌ ഗ്രഹണം ദൃശ്യമായത്‌. ഇന്ത്യൻ സമയം തിങ്കൾ രാത്രി 9.12ന്‌ ആരംഭിച്ച്‌ ചൊവ്വ പുലർച്ചെ 2.20ന്‌ സമാപിച്ചു. രണ്ടു മണിക്കൂറാണ്‌ പൂർണ ഗ്രഹണത്തിന്‌ എടുത്തത്‌. നയാഗ്ര വെള്ളച്ചാട്ടം, മെക്‌സിക്കോ അമേരിക്കൻ അതിർത്തിയിലെ ഈഗിൾ പാസ്‌ തുടങ്ങിയ ഇടങ്ങളിൽ ആയിര കണക്കിനു പേരാണ്‌ ഗ്രഹണം കാണാൻ കാത്തു നിന്നത്‌.
