കോട്ടയം: കാറിനുള്ളിൽ യുവാവിനെ മരിച്ച നിലയിൽ കണ്ടെത്തി. പേരൂർ പായിക്കാട് സ്വദേശിയായ തോട്ടുപുറത്ത് രതീഷ്(44) എന്നയാളെയാണ് പേരൂർ – സംക്രാന്തി റോഡിൽ കുഴിയാലിപ്പടിക്ക് സമീപം പാതയോരത്ത് പാർക് ചെയ്തിരുന്ന കാറിനുള്ളിൽ മരിച്ച നിലയിൽ കണ്ടെത്തിയത്.
ഞായറാഴ്ച രാവിലെ 11മണി മുതൽ റോഡരികിൽ പാർക് ചെയ്ത ഈ വാഹനം നാട്ടുകാരുടെ ശ്രദ്ധയിൽ പെട്ടിരുന്നു. എന്നാൽ രാത്രി എട്ട് മണിയോടെയാണ് വാഹനത്തിൽ ആളുണ്ടെന്ന് മനസ്സിലാക്കിയത്.
നാട്ടുകാർ വിവരം നൽകിയതിനെ തുടർന്ന് ഗാന്ധിനഗർ പൊലീസ് സ്ഥലത്തെത്തി കാർ തുറന്ന് പരിശോധിച്ച ശേഷമാണ് യുവാവ് മരിച്ചത് മനസിലാക്കിയത്. മൃതദേഹം കോട്ടയം മെഡിക്കൽ കോളെജ് ആശുപത്രി മോർച്ചറിയിലേക്ക് മാറ്റി.
