ഏറ്റുമാനൂർ: ഗുരുവായൂർ – മധുര എകസ്പ്രസിൽ യാത്രക്കാരന് പാമ്പുകടിയേറ്റതായി സംശയം. രാവിലെ 9.30ഓടെ ട്രെയിൻ ഏറ്റുമാനൂരിലെത്തിയപ്പോഴാണ് സംഭവം. മധുര സ്വദേശി കാർത്തിക്കിനാണ് കടിയേറ്റത്. ഇയാളെ വിദഗ്ദ ചികിത്സയ്ക്കായി കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പാമ്പു കടിച്ചെന്നു പറഞ്ഞതിനെത്തുടർന്ന് ബോഗിയിൽ നിന്ന് യാത്രക്കാരെ ഒഴിപ്പിച്ചു. ബോഗി സീൽ ചെയ്തു.
