റി​ക്കോ​ർ​ഡ് ഭൂ​രി​പ​ക്ഷ​ത്തി​ൽ തൃ​ശൂ​ർ എ​ടു​ത്ത് സു​രേ​ഷ് ഗോ​പി

തൃ​ശൂ​ർ: ശ​ക്ത​മാ​യ ത്രി​കോ​ണ മ​ത്സ​രം ന​ട​ന്ന തൃ​ശൂ​രി​ൽ വ​മ്പ​ന്മാ​രെ മ​ല​ർ​ത്തി​യ​ടി​ച്ച് എ​ൻ.​ഡി​.എ സ്ഥാ​നാ​ർ​ഥി സു​രേ​ഷ് ഗോ​പി. വോ​ട്ടെ​ണ്ണ​ലി​ന്‍റെ തു​ട​ക്ക​ത്തി​ൽ ഫ്ര​യി​മി​ൽ പോ​ലും വ​രാ​തി​രു​ന്ന നാ​യ​ക​ൻ ഇ​ന്‍റ​ർ​വെ​ല്ലി​നു തൊ​ട്ടു മു​മ്പ് അ​തിഗം​ഭീ​ര ഇ​ൻ​ട്രോ​യു​മാ​യി ആ​റാ​ടു​ക​യാ​യി​രു​ന്നു. ഞാ​ൻ ജ​യി​ച്ചാ​ൽ നി​ങ്ങ​ൾ​ക്ക് ല​ഭി​ക്കു​ന്ന​ത് എ​ന്നെ​ത്ത​ന്നെ​യാ​ണെ​ന്ന എ​സ്.ജി​യു​ടെ മാ​സ് ഡ​യ​ലോ​ഗ​ടി​യി​ൽ ഇ​ത്ത​വ​ണ ജ​ന​ങ്ങ​ൾ വീ​ണെ​ന്ന് അ​ക്ഷ​രാ​ർ​ഥ​ത്തി​ൽ പ​റ​യാം.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ തൃ​ശൂ​ർ എ​നി​ക്ക് വേ​ണം തൃ​ശൂ​ർ ഞാ​നി​ങ്ങെ​ടു​ക്കു​വായെ​ന്ന് പ​റ​ഞ്ഞ് വോ​ട്ട് പി​ടി​ക്കാ​ൻ കി​ണ​ഞ്ഞ് ശ്ര​മി​ച്ചി​ട്ടും തോ​റ്റ് മ​ട​ങ്ങേ​ണ്ടി വ​രി​ക​യാ​യി​രു​ന്നു.

2,93,822 വോ​ട്ടു​ക​ളാ​ണ് സു​രേ​ഷ്ഗോ​പി​ക്ക് നേ​ടാ​ൻ സാ​ധി​ച്ച​ത്. സ​ഹോ​ദ​ര​പ്പി​ണ​ക്കം ഇ​ത്ത​വ​ണ സു​രേ​ഷ്ഗോ​പി​ക്ക് നേ​ട്ടം കൊ​യ്യാ​ൻ സാ​ധി​ച്ചെ​ന്നു തന്നെ പ​റ​യാം.

പ​ദ്മ​ജ വേ​ണു​ഗോ​പാ​ൽ ബി​.ജെ.​പി​യേ​ക്ക് പോ​യ​തോ​ടെ കോ​ൺ​ഗ്ര​സി​നു​വേ​ണ്ടി ജ്യേഷ്ഠൻ കെ ​മു​ര​ളീ​ധ​ര​ൻ വ​ട​ക​ര​യി​ൽ നി​ന്ന് തൃ​ശൂ​രേ​ക്ക് വ​രി​ക​യാ​യി​രു​ന്നു. തു​ട​ക്ക​ത്തി​ൽ മൂ​ന്നാം സ്ഥാ​ന​ത്തേ​ക്ക് പി​ന്ത​ള്ളു​മെ​ന്ന് ധ​രി​ച്ച സു​രേ​ഷ് ഗോ​പി​യാ​ണ് ഇ​ത്ത​വ​ണ ഒ​റ്റ​ക്കു​തി​പ്പി​ന് മു​ന്നി​ലെ​ത്തി​യ​ത്.

എ​ക്സി​റ്റ്പോ​ൾ ഫ​ല​ങ്ങ​ൾ പു​റ​ത്തു വ​ന്ന​പ്പോ​ൾ കേ​ര​ള​ത്തി​ൽ ഇ​ത്ത​വ​ണ ഒ​ന്നി​ൽ​ക്കൂ​ടു​ത​ൽ വോ​ട്ട് ബാ​ങ്ക് തു​റ​ക്കാ​ൻ ബി​.ജെ​.പി​ക്കാ​കു​മെ​ന്ന് നി​സം​ശ​യം പ്ര​വ​ചി​ച്ച എ​സ്.ജി​യു​ടെ ക​ണ​ക്കു​കൂ​ട്ട​ലു​ക​ൾ തെ​റ്റി​യി​ല്ല എന്നതാണ് കാണാൻ സാധിക്കുന്നത്.