തൊടുപുഴ: ഉടുമ്പന്നൂർ ഗ്രാമ പഞ്ചായത്തിലെ പൊങ്ങന്തോട് രണ്ടാം തീയതി രാത്രിയിലാണ് കാട്ടാനയിറങ്ങി പ്രദേശമാകെ കൃഷി ചെയ്തിരുന്ന വിളകൾ നശിപ്പിച്ചത്. കുലച്ച് നിന്ന 450 ഏത്തവാഴ, തെങ്ങ്, 75 കമുക്, റബ്ബർ എന്നിവയുൾപ്പെടെയാണ് ആന നശിപ്പിച്ചത്. വാഴയിൽ തോമസ്, വാഴയിൽ ജോസഫ്, പല്ലാട്ട് ജോർജ്ജ് എന്നിവരുടെ കൃഷിയിടത്തിലാണ് ആനയുടെ ആക്രമണമുണ്ടായത്. ഇതോടെ കനത്ത സാമ്പത്തിക നഷ്ടമുണ്ടായതായി ഇവർ പറഞ്ഞു.
