സ്വർണ വില ഉയർന്നു

കൊച്ചി: സ്വന്തം റെക്കോർഡുകൾ തിരുത്തിക്കുറിച്ച് സ്വര്‍ണ വില 58,000 ത്തിലേക്ക്. ഇന്ന്(18/10/2024) പവന് 640 രൂപ വര്‍ധിച്ചതോടെ ഒരു പവന്‍ സ്വര്‍ണത്തിന്‍റെ വില 57,920 രൂപയായി. ഗ്രാമിന് 80 രൂപയാണ് വര്‍ധിച്ചത്. 7240 രൂപയാണ് ഒരു ഗ്രാം സ്വര്‍ണത്തിന്‍റെ ഇന്നത്തെ വില. ഒക്ടോബർ നാലിന് 56,960 രൂപയായി ഉയര്‍ന്നതായിരുന്നു ഏക്കാലത്തെയും റെക്കോർഡ് സ്വര്‍ണ വില. പിന്നീട് ഒക്ടോബർ 16നായിരുന്നു സംസ്ഥാനത്ത് ചരിത്രത്തിലാദ്യമായി സ്വര്‍ണ വില 57,000 കടന്നത്. എന്നാൽ ഇന്നലെ സ്വർണ വില 57,280 രൂപയിലെത്തി. ഇന്ന് അതും മറികടന്ന് സ്വര്‍ണ വില ഉയർന്നതോടെയാണ് വീണ്ടും പുതിയ റെക്കോര്‍ഡുകള്‍ കുറിച്ചു.