കൊച്ചി: സംസ്ഥാനത്ത് സ്വർണവില വീണ്ടും സർവകാല റെക്കോർഡിൽ. ഇതോടെ മുന്‍ റെക്കോർഡ് വിലയായിരുന്ന 45,000 കടന്നു. ഇന്ന് പവന് 440 രൂപ വർധിച്ച് 45,320 രൂപയായി. ഗ്രാമിന് 55 രൂപയാണ് ഇന്ന് വർധിച്ചത്. 5,665 രൂപയാണ് ഒരു ഗ്രാം സ്വർണത്തിന്‍റെ വില.
കഴിഞ്ഞ മാസം 18 മുതലാണ് സ്വർണവില ഉയരാന്‍ തുടങ്ങിയത്. ഈ മാസത്തിന്‍റെ തുടക്കത്തിൽ 44,000-ത്തിലെത്തിയ സ്വർണവില പിന്നീട് 5ന് ആദ്യമായി 45,000-ത്തിലെത്തി. പിന്നീടുള്ള ദിവസങ്ങളിൽ വില കുറഞ്ഞു വന്നെങ്കിലും കഴിഞ്ഞ ദിവസങ്ങൾ മുതൽ വീണ്ടും ഉയരുന്ന പ്രവണതയാണ് കണ്ടത്.
