വണ്ണപ്പുറം: പഞ്ചായത്തിലെ പൊതുമാർക്കറ്റ് സംരക്ഷിക്കണമെന്ന് ആവശ്യപ്പെട്ട് യൂത്ത് ലീഗ് പ്രക്ഷോഭം ആഹ്വാനം ചെയ്തു. വണ്ണപ്പുറം ഗ്രാമപ‍ഞ്ചായത്തിലെ 10 വർഷം പോലും പൂർത്തിയാകാത്ത പുതിയ കെട്ടിടങ്ങൾ പൊളിച്ചു മാറ്റാനുള്ള തീരുമാനമാണ് ഭരണസമിതി എടുത്തിരിക്കുന്നത്.
ഭരണ സമിതിയുടെ തീരുമാനം പുന:പരിശോധിക്കണമെന്നും ഇതിൽ നിന്നും അധികൃതർ പിന്തിരിയണമെന്നും ആവശ്യപ്പെട്ടു കൊണ്ടാണ് യൂത്ത് ലീഗ് ഭാരവാഹികൾ രംഗത്തെത്തിയിരിക്കുന്നത്. ഇതിനെതിരെ ശക്തമായ പ്രതിഷേധ പരിപാടി നടത്തുമെന്നാണ് സംഘടന അറിയിച്ചിരിക്കുന്നത്.
പ്രതിഷേധത്തിന് മുന്നോടിയായി പഞ്ചായത്തിലെ മാർക്കറ്റ് സ്ഥിതി ചെയ്യുന്ന സ്ഥലത്തെ പ്രധാന മതിലുകളിലെല്ലാം നോട്ടീസ് പതിപ്പിച്ചു. സംഘടനയുടെ ആവശ്യങ്ങൾ എഴുതി ചേർത്തിരിക്കുന്ന നോട്ടീസാണ് മതിലുകളിൽ ഒട്ടിച്ചിരിക്കുന്നത്. സംഭവത്തിനെതിരെ പ്രതിഷേധം നടത്തുമെന്ന് യൂത്ത് ലീഗ് ഇതിനോടകം തന്നെ വ്യക്തമാക്കി.
