തിരുവനന്തുപുരം: കേരള കലാമണ്ഡലം വൈസ് ചാൻസിലറായി പ്രൊഫ.ബി.അനന്തകൃഷ്ണനെ നിയമിച്ചു. ചാൻസിലർ ഡോ.മല്ലിക സാരാഭായാണ് വൈസ് ചാൻസിലറെ നിയമിച്ചത്. ഹൈദരാബാദ് സർവ്വകലാശാലയിലെ സരോജിനി നായിഡു സ്കൂൾ ഓഫ് ആർട്സ് ആൻഡ് കമ്മ്യൂണിക്കേഷൻറെ തലവനാണ് അനന്തകൃഷ്ണൻ.
ഇന്ത്യയിലെയും വിദേശത്തെയും സർവകലാശാലകളിലെ അക്കാദമിക് കമ്മറ്റികളിലെയും ബോർഡുകളിലെയും അംഗമാണ്. ഇന്ത്യൻ സൊസൈറ്റി ഫോർ തിയറ്റർ റിസർച്ചിൻറെ സ്ഥാപക ജനറൽ സെക്രട്ടറിയാണ് അദ്ദേഹം.
