തൊടുപുഴ: നഗരത്തിന്റെ വിവിധ ഭാഗങ്ങളിലൂടെ രാവിലെ മുതൽ ടോറസ്, ടിപ്പർ വാഹനങ്ങൾ അമിത വേഗതയിലും യാതൊരുവിധ ഗതാഗതനിയമങ്ങളും പാലിക്കാതെയുമാണ് ചീറിപ്പായുന്നത്. അതിരാവിലെ തിരക്കു കുറവുള്ള സമയമാണെങ്കിൽ കൂടിയും വാഹനങ്ങളുടെ വേഗത ചുരുക്കം ചില യാത്രക്കാരെയും ഭയപ്പെടുത്തുന്നു.
പ്രഭാത സവാരിക്കാർക്കും മറ്റ് കാൽ നടയാത്രക്കാർക്കും ചെറു വാഹനങ്ങൾക്കും വൻ ഭീഷണിയാണ് ഈ വാഹനങ്ങളുടെ അനിയന്ത്രിതമായ പോക്ക്. സുരക്ഷിതമല്ലാത്ത റോഡുപയോഗത്തിലൂടെ ഇത്തരം വലിയ വാഹനങ്ങൾ സാധാരണക്കാരായ നിരവധി ജീവനുകളെ നോട്ടമിട്ട് സഞ്ചരിക്കുന്ന പോലെയായിരിക്കുകയാണ് ഇപ്പോൾ. പ്രശ്നത്തിൽ ഗതാഗത വകുപ്പും പോലീസും അടിയന്തിരമായി ഇടപെടണമെന്നാണ് ജനങ്ങൾ ആവശ്യപ്പെട്ടുന്നത്.
