കൊച്ചി: ആലുവയിൽ ചുണങ്ങംവേലി കെ.പി ജിമ്മിലെ ട്രെയിനർ സാബിത്ത് വെട്ടേറ്റ് മരിച്ച നിലയിൽ. വി.കെ.സി ബാറിന് സമീപമുള്ള വാടക വീടിന്‍റെ മുറ്റത്ത് വേട്ടേറ്റ നിലയിലാണ് കണ്ണുര്‍ സ്വദേശിയായ സാബിത്തിനെ കണ്ടെത്തിയത്. രാവിലെ ഒപ്പം താമസിക്കുന്നവരാണ് യുവാവിനെ വാടകവീടിന്‍റെ മുറ്റത്ത് വെട്ടേറ്റ് മരിച്ച നിലയില്‍ കണ്ടെത്തിയത്.
വയറിനും തലയ്ക്കുമാണ് വെട്ടേറ്റിരിക്കുന്നത്. കൊലപാതകമെന്നാണ് സംശയം. സുഹൃത്തുക്കളെ കേന്ദ്രീകരിച്ചാണ് അന്വേഷണം പുരോഗമിക്കുകയാണെന്നും സിസിടിവി ദൃശ്യങ്ങള്‍ ഉള്‍പ്പടെ പരിശോധിച്ചുവരികയാണെന്നും എടത്തല പൊലീസ് അറിയിച്ചു.
