കോഴിക്കോട്: തെരഞ്ഞെടുപ്പ് കമ്മീഷൻ വയനാട് ഉപതെരഞ്ഞെടുപ്പിനായുള്ള മുന്നൊരുക്കങ്ങൾ തുടങ്ങി കഴിഞ്ഞു. ഇതിന്റെ ഭാഗമായി കോഴിക്കോട് കളക്ടറേറ്റിൽ മോക് പോളിംഗ് തുടങ്ങി. രാഷ്ട്രീയ പാർട്ടി പ്രതിനിധികൾ മോക് പോളിംഗിൽ പങ്കെടുക്കുന്നുണ്ട്. മോക് പോളിംഗ് തയ്യാറെടുപ്പുമായി തെരഞ്ഞെടുപ്പ് കമ്മീഷൻ വളരെ പെട്ടെന്നാണ് രംഗത്തെത്തിയത്.
മോക് പോളിംഗ് നടത്തുന്നത് ഇലക്ട്രിക് വോട്ടിംഗ് മെഷീനുൾപ്പെടെ കാണിച്ചുകൊണ്ടാണ്. ഉദ്യോഗസ്ഥരുടെ വിശദീകരണം തെരഞ്ഞെടുപ്പ് കമ്മീഷന്റെ നിർദ്ദേശ പ്രകാരമുള്ള പ്രാഥമിക നടപടിക്രമമാണ് ഇതെന്നാണ്. മോക് പോളിംഗ് നടക്കുന്നത് തെരഞ്ഞെടുപ്പിന്റെ ചുമതലയുള്ള ഡെപ്യൂട്ടി കളക്ടറുടെ നേതൃത്വത്തിലാണ്.
മോക് പോളിംഗ് രാവിലെ പത്തുമണിക്ക് തുടങ്ങി. തെരഞ്ഞെടുപ്പ് കമ്മീഷനിൽ നിന്ന് ജില്ലാ കോൺഗ്രസ് കമ്മിറ്റിക്ക് ലഭിച്ച കത്തിന്റെ അടിസ്ഥാനത്തിലാണ് പങ്കെടുത്തതെന്നും ഇവിടെ എത്തിയ സമയത്ത് ലീഗ് പ്രതിനിധിയല്ലാതെ മറ്റാരും ഉണ്ടായില്ലെന്നും ഡിസിസി ജനറൽ സെക്രട്ടറി ബിനീഷ് കുമാർ പറഞ്ഞു. കളക്ടർ രാവിലെ വന്ന് വോട്ട് രേഖപ്പെടുത്തി ഉദ്ഘാടനം നിർവഹിച്ചു പോയി എന്നല്ലാതെ മറ്റ് വിവരമൊന്നുമില്ല. രാഹുൽഗാന്ധി അയോഗ്യനാക്കപ്പെട്ട കേസ് നിലനിൽക്കുന്ന സാഹചര്യത്തിൽ പെട്ടെന്നുള്ള തെരഞ്ഞെടുപ്പ് കമ്മീഷന്റെ നീക്കം ദുരൂഹമാണെന്നാണ് കോൺഗ്രസിന്റെ ആരോപണം.
തെരഞ്ഞെടുപ്പ് കമ്മീഷൻ നിർദേശിച്ചെങ്കിലേ വയനാട്ടിൽ ഉപതെരഞ്ഞെടുപ്പ് പ്രഖ്യാപിക്കൂ. രാഹുൽഗാന്ധിക്കെതിരെയുള്ള കേസിൽ വിധി പറയാൻ മാറ്റിവെച്ചിരിക്കുകയാണ്. അതേസമയം രാഹുലിനെതിരെ നടത്തുന്ന പെട്ടെന്നുള്ള നീക്കത്തിന്റെ ഭാഗമായാണ് മോക് പോളിംഗ് പെട്ടെന്ന് നടത്തിയത്. ഇത് സംശയാസ്പദമാണെന്നും ജനറൽ സെക്രട്ടറി പറയുന്നു.
