ബദായു: യു.പിയിൽ 15 ദിവസം പ്രായമായ കുഞ്ഞിന് കാട്ടു പൂച്ചയുടെ ആക്രമണത്തിൽ ദാരുണാന്ത്യം. അമ്മയോടൊപ്പം ഉറങ്ങിക്കിടന്ന കുഞ്ഞിനെ കാട്ടു പൂച്ച കടിച്ചെടുത്ത് പായുകയായിരുന്നു.
തുടർന്ന് മേൽക്കുരയിൽ നിന്നും താഴെ വീണ കുഞ്ഞ് മരിക്കുകയായിരുന്നു. ഉത്തർപ്രദേശിലെ ബദായുവിലെ ഗൗത്രപാട്ടി ഭാവുനി ഗ്രാമത്തിലെ അസ്മ–ഹസൻ ദമ്പതികളുടെ ഇരട്ടകുട്ടികളിൽ ഒരാളായ റിഹാൻ ആണു മരിച്ചത്.
കുഞ്ഞുങ്ങൾ ജനിച്ചതുമുതൽ കാട്ടുപൂച്ചയെ വീടിനു സമീപത്തു കണ്ടെങ്കിലും ദമ്പതികൾ ഓടിച്ചുവിട്ടിരുന്നു. തിങ്കളാഴ്ച്ച രാത്രിയാണ് സംഭവം.
