ന്യൂഡൽഹി: സിവിൽ സർവീസ് പരീക്ഷാ ഫലം പ്രഖ്യാപിച്ചു. ലഖ്‌നൗ സ്വദേശി ആദിത്യ ശ്രീവാസ്‌തവയ്‌ക്കാണ്‌ ഒന്നാം റാങ്ക്. നാലാം റാങ്ക് എറണാകുളം സ്വദേശിയായ സിദ്ധാർത്ഥ് റാം കുമാറിനാണ്. ആദ്യ റാങ്കുകളില്‍ നിരവധി മലയാളില്‍ ഉള്‍പ്പെട്ടിട്ടുണ്ട്.
വിഷ്‌ണു ശശികുമാർ(31 റാങ്ക്), അർച്ചന പി.പി(40 റാങ്ക്), രമ്യ ആർ(45 റാങ്ക്), ബിൻ ജോ പി ജോസ്(59 റാങ്ക്), പ്രശാന്ത് എസ്(78 റാങ്ക്), ആനി ജോർജ്(93 റാങ്ക്), ജി ഹരിശങ്കർ(107 റാങ്ക്), ഫെബിൻ ജോസ് തോമസ്(133 റാങ്ക്), വിനീത് ലോഹിദാക്ഷൻ(169 റാങ്ക്), മഞ്ജുഷ ബി ജോർജ്(195 റാങ്ക്), അനുഷ പിള്ള(202 റാങ്ക്), നെവിൻ കുരുവിള തോമസ്(225 റാങ്ക്), മഞ്ഞിമ പി(235 റാങ്ക്) എന്നിവരാണ് റാങ്ക് നേടിയ മറ്റ് മലയാളികള്‍.
അഞ്ചാം പരിശ്രമത്തിലാണ് സിദ്ധാര്‍ത്ഥ് വന്‍ നേട്ടം കരസ്ഥമാക്കിയത്. കഴിഞ്ഞ തവണ 121ആം റാങ്കായിരുന്നു ലഭിച്ചത്. അച്ഛന്‍ രാംകുമാര്‍ ചിന്മയ കോളേജിലെ റിട്ടയേര്‍ഡ് പ്രിന്‍സിപ്പിലാണ്. സഹോദരന്‍ ആദര്‍ശ് കുമാര്‍ ഹൈക്കോടതിയില്‍ വക്കീലാണ്.
