കോഴിക്കോട്‌: തൊട്ടിൽപ്പാലത്ത് നിന്നും ഇന്നലെ രാവിലെ മുതൽ കാണാതായ വിദ്യാർഥിനിയെ അടച്ചിട്ട വീട്ടിൽ കെട്ടിയിട്ട നിലയിൽ കണ്ടെത്തി. വിദ്യാർത്ഥിനിയെ കാണാതായെന്ന പരാതിയിൽ തൊട്ടിൽപ്പാലം നടത്തിയ അന്വേഷണത്തിലാണ് കുണ്ട്തോട്ടിലെ വീട്ടിൽ പൂട്ടിയിട്ടതായി കണ്ടെത്തിയത്.
പൊലീസ് വാതിൽ പൂട്ട് തകർത്ത് അകത്ത് പ്രവേശിക്കുകയായിരുന്നു. പെൺകുട്ടി വിവസ്ത്രയായിരുന്നുവെന്നാണ് പൊലീസ് നൽകുന്ന വിവരം.മൊബൈൽ ടവർ കേന്ദ്രീകരിച്ച് തൊട്ടിൽപ്പാലം പൊലീസ് നടത്തിയ അന്വേഷണത്തിലാണ് പെൺകുട്ടിയെ കണ്ടെത്തി രക്ഷപ്പെടുത്തിയത്. പെൺകുട്ടിയെ ആശുപത്രിയിൽ പ്രവേശിപ്പിച്ചു.
ഭീഷണിപ്പെടുത്തി തട്ടിക്കൊണ്ടുവന്ന കുണ്ട്തോട് സ്വദേശശി ജുനൈദിനായി പൊലീസ് തെരച്ചിൽ ഊർജിതമാക്കി. ജുനൈദിന്റെ വീട്ടിൽനിന്ന്‌ വച്ച് 5 ഗ്രാം എംഡിഎംഎ പൊലീസ് കണ്ടെത്തി.
