തൃശൂർ: ശ്രീഗുരുവായൂരപ്പൻ ചെമ്പൈ പുരസ്കാരം പ്രശസ്ത കർണാടക സംഗീതജ്ഞൻ പദ്മഭൂഷൻ മധുരൈ റ്റി.എൻ.ശേഷഗോപാലന്. 10 ഗ്രാം സ്വർണ്ണപ്പതക്കം, 50001 രൂപ, പ്രശസ്തിപത്രം, ഫലകം, പൊന്നാട എന്നിവയടങ്ങുന്നയാണ് പുരസ്കാരം.
ചെമ്പൈ സംഗീതോൽസവത്തിന്‍റെ ഉദ്ഘാടന ചടങ്ങു നടക്കുന്ന നവംബർ 8ആം തീയതിയാണ് പുരസ്കാരം നൽകുക. കഴിഞ്ഞ അഞ്ചു പതിറ്റാണ്ടിലേറെയായി കർണാടക സംഗീതരംഗത്തു നൽകിയ സംഭാവനയ്ക്കാണ് പുരസ്കാരം.
ചെയർമാൻ ഡോ.വി.കെ.വിജയന്‍റെ അധ്യക്ഷതയിൽ ചേർന്ന ഗുരുവായൂർ ദേവസ്വം ഭരണസമിതിയാണു ശ്രീഗുരുവായൂരപ്പൻ ചെമ്പൈ പുരസ്കാര ജേതാവിനെ തീരുമാനിച്ചത്.
