കോതമംഗലം: തങ്കളംകാക്കനാട് ദേശീയപാതയില്‍ ബൈക്ക് ലോറിയുടെ പിന്നിൽ ഇടിച്ചുകയറി ബൈക്ക് യാത്രക്കാരായ രണ്ട് യുവാക്കള്‍ മരിച്ചു.
കോട്ടപ്പടി സ്വദേശികളായ അഭിരാമന്‍(21), ആല്‍ബിന്‍(21) എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന ബൈക്ക് ലോറിയുടെ പിന്നിലിടിച്ച്‌ കയറുകയായിരുന്നു.
രാത്രി പത്ത് മണിയോടെയായിരുന്നു അപകടം. ഇടിയുടെ ആഘാതത്തില്‍ ബൈക്കിന്റെ മുന്‍ഭാഗം പൂർണമായി തകര്‍ന്നു. പരിക്കേറ്റവരെ കോതമംഗലം ബസേലിയോസ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം മോര്‍ച്ചറിയിലേക്ക് മാറ്റി.
