കോഴിക്കോട് ട്രാൻസ്ഫോമിലെ ഫ്യൂസ് നന്നാക്കി തിരികെ പോകുന്നതിനിടെ ലൈൻമാൻ കുഴഞ്ഞ് വീണ് മരിച്ചു

കോഴിക്കോട്: ട്രാൻസ്ഫോമിലെ ഫ്യൂസ് നന്നാക്കിയ ശേഷം നടന്ന് പോകുന്നതിനിടെ ലൈൻമാൻ കുഴഞ്ഞ് വീണ് മരിച്ചു. കെ.എസ്.ഇ.ബി വെസ്റ്റ്ഹിൽ സെക്ഷനിലെ പയമ്പ്ര മേലെകളരാത്ത് ബൈജുവാണ്(50) മരിച്ചത്. കോഴിക്കോട് ജില്ലാ ആയുർവേദ ആശുപത്രിക്ക് സമീപം ജോലിക്കിടെയാണ് സംഭവം. ആയുർവേദ ആശുപത്രിക്ക് സമീപത്തെ ട്രാൻസ്ഫോമിലെ ഫ്യൂസ് നന്നാക്കി ജീപ്പിന് അടുത്തേക്ക് നടന്ന് പോകുന്നതിനിടെയാണ് കുഴഞ്ഞ് വീണത്. ഒപ്പമുണ്ടായിരുന്ന സഹപ്രവർത്തകൻ ഉൾപ്പെടെയുള്ളവർ ഉടനെ ബീച്ച് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.