കോഴിക്കോട്: തിരുവമ്പാടിയിൽ സ്കൂൾ ബസ് നിയന്ത്രണം വിട്ട് മതിലിൽ ഇടിച്ചുണ്ടായ അപകടത്തിൽ 18 ഓളം കുട്ടികൾക്ക് പരുക്ക്. തിരുവമ്പാടി സേക്രഡ് ഹാർട്ട് യു.പി സ്കൂളിലെ ബസാണ് അപകടത്തിൽപെട്ടത്. പരിക്കേറ്റ കുട്ടികളെ തിരുവമ്പാടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് സാരമുള്ളതല്ലെന്നാണ് വിവരം. തിരുവമ്പാടി ഓമശേരി റോഡിൽ ഭാരത് പെട്രോൾ പമ്പിന് സമീപമാണ് സംഭവം. അമ്പലപ്പാറ റോഡിൽ നിന്ന് ഇറക്കം ഇറങ്ങിവരികയായിരുന്ന സ്കൂൾ ബസ് നിയന്ത്രണം വിട്ട് മുൻ വശത്തെ മതിലിൽ ഇടിക്കുകയായിരുന്നു. അപകടം നടന്നയുടൻ നാട്ടുകാർ ഓടിക്കൂടി രക്ഷാപ്രവർത്തനം നടത്തി.
സ്കൂൾ ബസ് അപകടത്തിൽപെട്ട് കോഴിക്കോട് 18 കുട്ടികൾക്ക് പരുക്കേറ്റു
