തൊടുപുഴ: വെള്ളിയാമറ്റത്ത് ബന്ധുക്കൾ തമ്മിൽ മദ്യപിച്ചുണ്ടായ തർക്കത്തിൽ ഒരാളെ വെട്ടിക്കൊന്നു. പൂച്ചപ്ര വാളിയംപ്ലാക്കൽ കൃഷ്ണനെന്ന് വിളിക്കുന്ന ബാലനാണ്(48) മരിച്ചത്.
ഇയാളുടെ ബന്ധുവായ വാളിയംപ്ലാക്കൽ ജയനാണ് വെട്ടിയതെന്ന് സംശയിക്കുന്നു.
രണ്ടു പേരും പകൽ മദ്യപിച്ച് നടക്കുന്നത് പലരും കണ്ടിട്ടുണ്ട്. മാസങ്ങൾക്ക് മുമ്പ് ജയൻ ബാലൻ്റെ കാലിന് വെട്ട് കൊടുത്തിരുന്നു. അന്ന് ബാലൻ കോട്ടയം മെഡിക്കൽ കോളേജിൽ പോയി ചികിൽസയിൽ കഴിഞ്ഞിരുന്നതാണ്.
പൂച്ചപ്ര സ്കൂളിൻ്റെ സമീപത്താണ് വെട്ടു കൊണ്ട് കിടന്നത്. വിവരമറിഞ്ഞ് എത്തിയ കാഞ്ഞാർ പോലീസ് ബാലനെ ആശുപത്രിയിലേക്ക് മാറ്റി ജയനെ കണ്ടെത്താനായില്ല. പോലീസ് അന്വേഷണം ഉർജിതമാക്കി. ജയൻ നിരവധി കേസിലെ പ്രതിയാണ്‌.
