കോൺഗ്രസ് ബ്ലോക്ക് കമ്മിറ്റി മൂന്നാറിൽ പ്രകടനം നടത്തി

മൂന്നാർ: കണ്ണൂർ എ.ഡി.എം നവീൻ ബാബുവിന്റെ ആത്മഹത്യയ്ക്ക് കാരണക്കാരിയായ കണ്ണൂർ ജില്ലാ പഞ്ചായത്ത് പ്രസിഡന്റ് ദിവ്യയ്‌ക്കെതിരെ നടപടി ആവശ്യപ്പെട്ട് കോൺഗ്രസ് ബ്ലോക്ക് കമ്മിറ്റി മൂന്നാറിൽ പ്രകടനം നടത്തി. മുൻ എം.എൽ.എ എ.കെ മണി ഉദ്ഘാടനം ചെയ്തു. ബ്ലോക്ക് പ്രസിഡന്റ് എസ് വിജയകുമാർ അധ്യക്ഷത വഹിച്ചു. ഡി കുമാർ, മൂന്നാർ മണ്ഡലം പ്രസിഡന്റ് സി നെൽസൺ, മാട്ടുപ്പെട്ടി മണ്ഡലം പ്രസിഡന്റ് എ.പി പവൻരാജ്, ബ്ലോക്ക് കോൺഗ്രസ് കമ്മിറ്റി ഉപാധ്യക്ഷൻ ആൻഡ്രൂസ്, എൻ.ജി.ഒ അസോസ്സിയേഷൻ ദേവികുളം ബ്രാഞ്ച് പ്രസിഡന്റ് എം രാജൻ, ജെ ബാലമണി, ടൂറിസം വർക്കേഴ്സ് കോൺഗ്രസ് സംസ്ഥാന ഉപാധ്യക്ഷൻ സണ്ണി ഇലഞ്ഞിക്കൽ, ത്രിതല പഞ്ചായത്ത് മെമ്പർമാർ, യൂത്ത് കോൺഗ്രസ് മണ്ഡലം പ്രസിഡന്റ് റിയാസ്, കെ.എസ്.യു ഭാരവാഹികൾ തുടങ്ങിയവർ പങ്കെടുത്തു.