തൊടുപുഴ: ഇന്ത്യയിലെ തന്നെ പുരാതന തീർത്ഥാടന കേന്ദ്രങ്ങളിലൊന്നായ മുതലക്കോടം ഫൊറോന പള്ളിയിൽ വി.ഗീവർഗീസ് സഹദായുടെ തിരുനാൾ 21,22,23,24 തീയതികളിൽ നടത്തപ്പെടുമെന്ന് ഭാരവാഹികൾ അറിയിച്ചു. തിരനാളിന്റെ സുഗമമായ നടത്തിപ്പിനായി വികാരി റവ.ഫാ.ജോർജ്ജ് താനത്തുപറമ്പിലിന്റെ അധ്യക്ഷതയിൽ ചേർന്ന പൊതുയോഗത്തിൽ 151 പേർ അടങ്ങുന്ന കമ്മിറ്റിയെ തിരഞ്ഞെടുത്തു. ജോർജ് ജോൺ കൊച്ചുപറമ്പിൽ(ജനറൽ കൺവീനർ), ആൽബിൻ ജോസ് കുറുമ്പാലക്കാട്ട്(കൺവീനർ), ജോയി ജോൺ പഴുക്കാക്കുളത്ത്(കൺവീനർ), ടൈറ്റസ് മാനുവൽ(കൺവീനർ), അറക്കൽ ബിജോ ജോസഫ് തയ്യിൽ(കൺവീനർ) എന്നിവരെയാണ് അംഗങ്ങളായി തീരുമാനിച്ചിരിക്കുന്നത്.
സഹവികാരി ഫാ.ആന്റണി മരുത്വാമലയിൽ, ഫാ.ജെസ്റ്റിൻ ചേറ്റൂർ, കൈക്കാരന്മാരായ കുര്യാക്കോസ്.കെ.കെ.കല്ലിങ്കക്കുടിയിൽ, ജെസ്റ്റിൻ പനച്ചിക്കാട്ട്, റ്റി.യു.ഫ്രാൻസിസ് തുറയ്ക്കൽ, സാന്റോ പോൾ ചെമ്പരത്തി തുടങ്ങിയവർ യോഗത്തിൽ പങ്കെടുത്തു. മുത്തിയുടെ കിണർ, ഗീവർഗീസിന്റെ തിരുസ്വരൂപം, അതിപുരാതനമായ കൽക്കുരിശ് തുടങ്ങിയ പ്രത്യേകതകൾ സംരക്ഷിക്കുന്ന എ.ഡി 800 മുതൽ തീർത്ഥാടകരെത്തിയിരുന്ന മുതലക്കോടം പള്ളിയിലെ പെരുന്നാൾ എല്ലാ വർഷത്തെയും പോലെ ഗംഭീരമാക്കണമെന്ന് ഭാരവാഹികൾ അറിയിച്ചു.
