തൊടുപുഴ: മുട്ടത്ത് പ്രവർത്തിക്കുന്ന ഇടുക്കി ജില്ലാ ഹോമിയോ ആശുപത്രിയിലെ, ജീവിത ശൈലി രോഗ നിവാരണ സമഗ്ര ചികിത്സാ പദ്ധതിയായ ആയുഷ്മാൻ ഭവ: യുടെയും ടെക്നിക്കൽ ഹയർ സെക്കന്ററി സ്കൂൾ ഐ.എച്ച്.ആർ.ഡിയുടെയും സംയുക്ത ആഭിമുഖ്യത്തിൽ 10ആമത് അന്താരാഷ്ട്ര യോഗാദിനം സമുചിതമായി ആചരിച്ചു.
മുട്ടം ഐ.എച്ച.ആർ.ഡി ഹാളിൽ വച്ച് ആരോഗ്യ സ്റ്റാന്റിങ്ങ് കമ്മിറ്റി ചെയർപേഴ്സൺ മേഴ്സി ദേവസ്യ ഉദ്ഘാടനം നിര്‍വഹിച്ചു. റ്റി.എച്ച്.എസ്.എസ് – ഐ.എച്ച്.ആർ.ഡി സ്കൂൾ പ്രിൻസിപ്പൽ ഹണി ജോസ് മുഖ്യ പ്രഭാഷണം നടത്തി. ഹോമിയോ ആശിപത്രി സൂപ്രണ്ട് ഡോ. ബിജു പി.ജി അധ്യക്ഷത വഹിച്ചു.
മുട്ടം ഗ്രാമപഞ്ചായത്ത് ഒന്നാം വാർഡ് മെമ്പർ ഡോളി രാജു ആശംസ നേർന്നു. ആയുഷ്മാൻഭവ കൺവീനർ ജെറോം ജിയോ പി സ്വാഗതവും വിദ്യാർത്ഥി പ്രതിനിധി കൃതഞ്ജതയും രേഖപ്പെടുത്തി. ഡോ. അഞ്ചൽ കൃഷ്ണൻ, കുമാരി വി എന്നിവർ യോഗ പരിശാലനത്തിന് നേതൃത്വം നൽകി.
