മുംബൈ: മഹാരാഷ്ട്രയിലെ അഹമ്മദ് നഗര്‍ ജില്ലയിലെ മുകുന്ദ് നഗഡിലാണ് സംഭവം. വീടിനടുത്ത് കളിച്ച് കൊണ്ടിരിക്കെയാണ് നാല് വയസ്സുള്ള സമര്‍ ഷെയ്ക്ക് മാന്‍ഹോളില്‍ വീണത്. മാന്‍ഹോള്‍ കൃത്യമായി അടയ്ക്കാത്തതാണ് അപകടത്തിന് കാരണം. കുട്ടി അപകടത്തില്‍പെടുന്നത് സി.സി.റ്റി.വിയില്‍ കൃത്യമായി പതിഞ്ഞിട്ടുണ്ട്. മകന്‍ വീട്ടില്‍ തിരിച്ചെത്താത്തതിനെ തുടര്‍ന്ന് രക്ഷിതാക്കള്‍ നടത്തിയ പരിശോധനയിലാണ് കുഴിയില്‍ വീണതായി കണ്ടെത്തിയത്. അന്വേഷിച്ചെങ്കിലും ആദ്യ ഘട്ടത്തില്‍ കണ്ടെത്തിയില്ല. തുടര്‍ന്ന് സിസിടിവിയില്‍ നടത്തിയ പരിശോധനയിലാണ് കുട്ടി വീഴുന്നത് കാണാനായത്. പുറത്തെടുത്തപ്പോഴേക്കും സമര്‍ മരിച്ചിരുന്നു.
മഹാരാഷ്ട്രയില്‍ മാന്‍ഹോളില്‍ കുടുങ്ങി നാല് വയസ്സുള്ള കുട്ടിക്ക് ദാരുണാന്ത്യം, കൃത്യമായി അടയ്ക്കാത്തതാണ് അപകടത്തിന് കാരണം
