സ്വർണ വില ഉയർന്നു

ന്യൂഡൽഹി: രണ്ട് ദിവസത്തിന് ശേഷം സ്വർണ വിലയിൽ വർധനവ്. ഗ്രാമിന് 35 രൂപ ഉയർന്ന് 6695 രൂപയാണ് സ്വർണ വില. പവന് 280 രൂപ വർധിച്ച് 53,560 രൂപയാണ് വില. രണ്ട് ദിവസങ്ങളിലായി 400 രൂപയോളം കുറഞ്ഞതിന് ശേഷമാണ് സ്വർണ വില വീണ്ടും കുതിക്കുന്നത്. അമേരിക്കയിൽ അടിസ്ഥാന പലിശ നിരക്ക് കുറച്ചേക്കുമെന്ന റിപ്പോർട്ടുകൾ പുറത്തു വന്നതിന് പിന്നാലെയാണ് സ്വർണവില വർധിക്കാൻ തുടങ്ങിയത്. 18 കാരറ്റ് സ്വർണത്തിന് ഗ്രാമിന് 5,540 രൂപയാണ് വില. വെള്ളിയ്ക്കും വില കൂടിയിട്ടുണ്ട്. ഗ്രാമിന് രണ്ട് രൂപ വർധിച്ച് 93 രൂപയാണ് വില.