കൊച്ചി: സ്വന്തം റെക്കോർഡുകൾ തിരുത്തിക്കുറിച്ച് സ്വർണ വില പുതിയ റെക്കോർഡിൽ. ഇന്ന്(19/10/2024) പവന് 320 രൂപ വർധിച്ചതോടെ ഒരു പവൻ സ്വർണത്തിൻ്റെ വില 58,240 രൂപയായി. ഗ്രാമിന് 40 രൂപയാണ് വർധിച്ചത്. 7280 രൂപയാണ് ഒരു ഗ്രാം സ്വർണത്തിൻ്റെ ഇന്നത്തെ വില. ഒക്ടോബർ 16നായിരുന്നു സംസ്ഥാനത്ത് ചരിത്രത്തിലാദ്യമായി സ്വർണ വില 57,000 കടന്നത്. പിന്നീടുള്ള ദിവസങ്ങളിലും സ്വർണ വില കുതിച്ചുയർന്ന് പുത്തൻ റെക്കോർഡുകൾ ഉണ്ടാക്കി.
ഒക്ടോബർ 17ന് 57,280 രൂപയും ഇന്നലെ ഒക്ടോബർ 18ന് 57,920 രൂപയിലെത്തി. ഇന്ന് അതും മറികടന്നാണ് സ്വർണ വില ഉയർന്നിരിക്കുന്നത്. ഒക്ടോബർ 15 – 56,760, ഒക്ടോബർ 16 – 57,120, ഒക്ടോബർ 17 – 57,280, ഒക്ടോബർ 18 – 57,920, ഒക്ടോബർ 19 -58,240.
