ഇടുക്കി: അറസ്റ്റ് വാറണ്ട് മടക്കുന്നതിന് കൈക്കൂലി വാങ്ങിയ തൊടുപുഴ പോലീസ് സ്റ്റേഷനിലെ ഗ്രേഡ് എസ്.ഐ പിടിയിൽ. വണ്ടിപ്പെരിയാർ സ്വദേശി പ്രദീപ് ജോസിനെയാണ് വിജിലൻസ് അറസ്റ്റ് ചെയ്തത്. ചെക്ക് കേസിൽ അറസ്റ്റ് ഒഴിവാക്കാൻ യുവതിയിൽ നിന്ന് 10,000 രൂപ കൈക്കൂലി വാങ്ങിയെന്നാണ് കേസ്.
ഇയാളുടെ സുഹൃത്തായ റഷീദെന്ന ഓട്ടോ ഡ്രൈവറുടെ അക്കൗണ്ടിലേക്ക് ഗൂഗിൾപേ വഴിയാണ് പണം അയച്ച് നൽകിയത്. റഷീദിനേയും വിജിലൻസ് അറസ്റ്റ് ചെയ്തിട്ടുണ്ട്.
സമാനമായി മുമ്പും ഇത്തരത്തിൽ കൈക്കൂലി വാങ്ങിയിട്ടുണ്ടോയെന്ന് വിജിലൻസ് സംഘം അന്വേഷിക്കുന്നുണ്ട്. പ്രദീപ് ജോസിനെ മൂവാറ്റുപുഴ വിജിലൻസ് കോടതിയിൽ ഹാജരാക്കും.
