തിരുവനന്തപുരം: സംസ്ഥാനത്ത് ഇന്നു മുതൽ ഓണക്കിറ്റ് പൂർണ തോതിൽ വിതരണം ചെയ്തു തുടങ്ങും. ആദ്യ ദിനമായ വ്യാഴാഴ്ച 6 ജില്ലകളിൽ മാത്രമാണ് കിറ്റ് വിതരണം ചെയ്തത്.
സാധനങ്ങളുടെ കുറവും പാക്കിങ് പൂർത്തിയാകാത്തതിനാലുമാണ് എല്ലാ ജില്ലകളിലും വിതരണം കൃത്യമായി നടക്കാത്തത്. വ്യാഴാഴ്ച തിരുവനന്തപുരം ജില്ലയിലെ റേഷൻ കടകളിൽ മാത്രം 911 കിറ്റുകൾ വിതരണം ചെയ്തു.
പാലക്കാട് 54, ആലപ്പുഴ 51, മലപ്പുറം 11, കോട്ടയം 3, കോട്ടയം 1 എന്നിങ്ങനെയാണ് വിതരണം നടന്നത്. മിൽമയുടെ ഉൽപ്പന്നങ്ങളും കാഷ്യു കോർപ്പറേഷനിൽ നിന്നും കശുവണ്ടിപ്പരിപ്പ് ലഭിക്കാത്തതിനാലാണ് വിതരണം ഭാഗീഗമായത്. ഇന്നു മുതൽ എല്ലാ ജില്ലകളിലും പൂർണതോതിൽ വിതരണം ആരംഭിക്കുമെന്ന് അധികൃതർ വ്യക്തമാക്കി.
