തിരുവനന്തപുരം: രാജ്യത്ത് കാലവർഷം അവസാന ഘട്ടത്തിലേക്ക് നീങ്ങി തുടങ്ങി. തെക്കുപടിഞ്ഞാറൻ രാജസ്ഥാനിൽ നിന്ന് കാലവർഷം പിൻവാങ്ങൽ ആരംഭിച്ചെന്നു കേന്ദ്ര കാലാവസ്ഥാ വകുപ്പ്.
പതിവിൽ നിന്നും എട്ട് ദിവസം വൈകിയാണ് ഇത്തവണ പിൻവാങ്ങൽ ആരംഭിച്ചത്. ജൂൺ- ഒക്റ്റോബർ മാസങ്ങളിൽ ഇന്ത്യൻ ഉപഭൂഖണ്ഡത്തിൽ അനുഭവപ്പെടുന്ന കാറ്റിനേയും അതിനോട് അനുബന്ധിച്ചുണ്ടാകുന്ന മഴയേയുമാണ്‌ തെക്കുപടിഞ്ഞാറൻ കാലവർഷം, ഇടവപ്പാതി, തെക്കുപടിഞ്ഞാറൻ മൺസൂൺ തുടങ്ങിയ പേരുകളിൽ അറിയപ്പെടുന്നത്.
ഇത്തവണ പതിവിലും വൈകിയാണ് കാലവർഷം കേരളത്തിലെത്തിയത്. വ്യാഴം , വെള്ളി ദിവസങ്ങളിൽ സംസ്ഥാനത്ത് മഴ ശക്തമാകുമെന്നും മുന്നറിയിപ്പുണ്ട്.
