Timely news thodupuzha

logo

മഹാത്മാഗാന്ധി പാക്കിസ്ഥാൻ്റെ രാഷ്‌ട്രപിതാവെന്ന് ഗായകൻ അഭിജിത് ഭട്ടാചാര്യ

മുംബൈ: മഹാത്മാഗാന്ധിയെ കുറിച്ചുള്ള ഗായകൻ അഭിജിത് ഭട്ടാചാര്യയുടെ പരാമർശം വിവാദത്തിൽ. മഹാത്മാഗാന്ധി പാക്കിസ്ഥാൻറെ രാഷ്ട്രപിതാവാണ്, ഇന്ത്യയുടേതല്ലെന്നായിരുന്നു അഭിജിത്തിൻറെ പരാമർശം.

ഇതിനെതിരേ സാമൂഹിക, സാംസ്കാരിക രംഗത്ത് ശക്തമായ പ്രതിഷേധമാണ് ഉയരുന്നത്. മാധ്യമ പ്രവർത്തകൻ ശുഭാങ്കർ മിശ്രയുടെ പോഡ്കാസ്റ്റ് ഷോയിൽ സം​ഗീത സംവിധായകൻ ആർ.ഡി ബർമനെക്കുറിച്ച് പറയുമ്പോഴാണ് അഭിജിത് ഭട്ടാചാര്യ മഹാത്മാ ​ഗാന്ധിയെക്കുറിച്ച് പരാമർശം നടത്തിയത്.

മഹാത്മാ ​ഗാന്ധിയേക്കാൾ വലിയയാളാണ് പഞ്ചം ദായെന്ന് വിശേഷണമുള്ള ആർ.ഡി ബർമനെന്ന് അഭിജിത് പറഞ്ഞു. മഹാത്മാ ​ഗാന്ധിയാണ് നമ്മുടെ രാഷ്ട്ര പിതാവെങ്കിൽ സം​ഗീതത്തിലെ പിതാവ് ആർ.ഡി ബർമനാണെന്നും അദ്ദേഹം പറഞ്ഞു. ഇന്ത്യ നേരത്തെ നിലവിലുണ്ടായിരുന്നു.

പിന്നീട് പാകിസ്താൻ ഇന്ത്യയിൽ നിന്ന് വേർപെട്ടു. ഗാന്ധിജിയെ ഇന്ത്യയുടെ രാഷ്ട്രപിതാവെന്ന് തെറ്റായി വിളിച്ചിട്ടുണ്ട്. പാക്കിസ്ഥാൻ്റെ നിലനിൽപ്പിന് പിന്നിലെ ഉത്തരവാദി അദ്ദേഹമാണ് എന്നായിരുന്നു അഭിജിത്തിൻ്റെ പരാമർശം.

Leave a Comment

Your email address will not be published. Required fields are marked *