കൊച്ചി: സ്വർണ വിലയിൽ രണ്ടാം ദിനവും വർധന. ഇന്ന്(26/12/2024) പവന് 200 രൂപ വർധിച്ച് ഒരു പവൻ സ്വർണത്തിൻറെ വില 57,000 രൂപയായി. ഗ്രാമിന് 25 രൂപയാണ് കൂടിത്. 7125 രൂപയാണ് ഒരു ഗ്രാം സ്വർണത്തിൻറെ വില. ഈ മാസത്തിൻറെ തുടക്കത്തിൽ 57,200 രൂപയായിരുന്നു ഒരു പവൻ സ്വർണത്തിൻറെ വില. 11ന് 58,280 രൂപയായി ഉയർന്ന് ഈ മാസത്തെ ഏറ്റവും ഉയർന്ന നിലവാരത്തിലേക്കും എത്തി.
പിന്നീട് 20 ന് 56,320 രൂപയായി താഴ്ന്നതാണ് ഈ മാസത്തെ ഏറ്റവും താഴ്ന്ന നിലവാരം. 9 ദിവസത്തിനിടെ ഏകദേശം 2000 ത്തോളം രൂപയാണ് കുറഞ്ഞത്. യുഎസ് ഫെഡറൽ റിസർവ് പലിശനിരക്ക് കുറച്ചത് അടക്കമുള്ളവ സ്വർണവിലയെ സ്വാധീനിച്ചു.
