തൊടുപുഴ: ഇടുക്കി ജില്ലയിലെ കരിങ്കുന്നം പഞ്ചായത്തിനെ കോട്ടയം ജില്ലയിലെ കടനാട് പഞ്ചായത്തുമായി ബന്ധിപ്പിക്കുന്ന റോഡായ കരിങ്കുന്നം അടുതാറ്റ് റോഡിന് വെള്ളപ്പൊക്ക ദുരിതാശ്വാസ ഫണ്ടിൽ നിന്നും റവന്യു വകുപ്പ് മന്ത്രി കെ.രാജൻ 10 ലക്ഷം രൂപ അനുവദിച്ചതായി ഡീൻ കുര്യാക്കോസ് എം.പി. അറിയിച്ചു. 2018-ലെയും 2019-ലെയും കാലവർഷത്തിൽ സഞ്ചാര യോഗ്യമല്ലാതായ ഈ റോഡ് പുനർനിർമ്മിക്കണമെന്ന് ആവശ്യപ്പെട്ട് കരിങ്കുന്നം പഞ്ചായത്ത് പ്രസിഡണ്ട് ജോജി തോമസ് എടാംപുറത്ത്, വൈസ് പ്രസിഡൻറ് ബീനാ പയസ് എന്നിവർ ഡീൻ കുര്യാക്കോസ് എംപി മുഖാന്തരം റവന്യു വകുപ്പ് മന്ത്രി കെ.രാജന് നൽകി നിവേദനത്തെത്തുടർന്നാണ് ഫണ്ട് അനുവദിച്ചത്.
